Youhadenn kristenien Betlehem / Le cri des chrétiens de Bethléem.

   N’eus ket bet ano koulz lavared en or bro euz Lizer digor kloer kristen Betlehem ha tro-war-dro. Embannet eo bet e miz gouere, ha sinet gand seiz rener relijiel kristen. Eur galvadenn eo d’ar gumuniez etrevroadel diwar benn menoz Donald Trump, prezidant ar Stadou-Unanet, da staga da vad ouz Izrael traonienn ar Jordan, ar pez a zo tost d’an drederenn euz Sizjordania, ouspenn an trevadennou dija okupet gand Izraeliz. Ar raktres-se, distaolet a-grenn gand ar Palestiniz, ha n’eo ket bet goulennet o ali diganto zokén, a zo bet saludet gand Benyamin Netanyahou, kenta ministr Izrael, vel «eun dro-vad istorel !»
   «Evid ar Palestin, evid Betlehem ha dreist-oll evid he foblañs kristen, e vefe ar stagadenn-ze eur gwall-daol. Kelhiet gand mogeriou ha trevadennou, Betlehem a zo dija vel eur prizon digor. Ar stagadenn-ze a rafe d’or prizon dond da veza biannoc’h c’hoaz, heb esper ebed euz eur gwelloc’h dazond...» Person Beit Jala a skriv kement-mañ : «Unan euz an tachennadou-douar a jom ganeom evid kreski, evid al labour-douar hag evid ma c’hellfe ar famillou tañva an natur eo traoniennou Cremizan ha Makhour, er c’hornog euz ar c’hêriou. Staga an tachennadou-ze ouz Izrael a boulzo muioc’h c’hoaz a dud da zivroa. Eul laeroñsi douar eo ! Douarou prevez int dre vraz, d’or famillou int, bet o-deus bet anezo da herez hag e labouront anezo abaoe kantvejou...»
   Ar pez a gresk c’hoaz kounnar ar gristenien-ze eo an doare m’e-neus Donald Trump da falsa ar wirionez. Komz a ra vel ma vefe deuet ar gristenien euz ar c’hornog beteg ar Palestin en unnegved kantved da vare brezeliou ar Groaz, hag e vefe an tabutou a-hirio ’vel eur c’hendalc’h euz an emgann etre ar bed juzeo-kristen hag ar bed islameg. Ne oar ket pe ne fell ket dezañ gouzoud ez-eus hag ez-eus bet atao, abaoe daou vil vloaz, kristenien er Palestin, hag o-deus dalhet d’o feiz a gantved da gantved. «N’on-eus ket gortozet brezeliou ar Groaz evid beza kristenien !» eme unan anezo. Eur minorelez int hirio, gwasket muioc’h mui. Kredi a reont sevel o mouez da c’houlenn justis hag eun hent gwirion war-zu ar peoc’h. (Hervez eur pennad e La Vie)


   Il n’a pratiquement pas été fait mention chez nous de la lettre ouverte du clergé chrétien de la région de Bethléem. Elle a été publiée en juillet, et signée de sept responsables religieux chrétiens. C’est un appel à la communauté int ernationale au sujet du projet de Donald Trump, président des Etats-Unis, d’annexion par Israël de la vallée du Jourdain, ce qui représente près du tiers de la Cisjordanie, en plus des colonies déjà occupées par les Israëliens. Ce projet, rejeté en bloc par les Palestiniens, qui n’ont même pas été consultés, a été salué par Benyamin Netanyahou, Premier ministre israëlien, comme une «occasion historique !»
   «Pour la Palestine, pour Bethléem et en particulier pour sa population chrétienne cette annexion serait catastrophique. Eentourée de murs et de colonies, Bethléem ressemble déjà à une prison ouverte. Cette annexion rendrait notre prison encore plus petite, sans espoir d’un avenir meilleur.» Le curé de Beit Jala écrit ceci : «Une des seules zones restantes pour notre croissance, pour l’agriculture et pour que les familles profitent de la nature, sont les vallées de Crémisan et du Makhour, à l’ouest des villes. L’annexion de ces zones par Israël poussera davantage de personnes à émigrer. C’est du vol de terre ! Des terres en grande partie privées, que nos familles possèdent, dont elles ont hérité et qu’elles cultivent depuis des centaines d’années...»
   Ce qui augmente encore la colère des chrétiens c’est la façon dont Donald Trump faslsifie la vérité. Il parle comme si les chrétiens étaient venus de l’Occident au XIème siècle, à l’époque des Croisades, et que les conflits d’aujourd’hui seraient la suite de la lutte entre un monde judéo-chrétien et le monde islamique. Il ne sait pas, ou ne veut pas savoir qu’il y a et qu’il y a toujours eu des chrétiens en Palestine depuis deux mille ans, et qu’ils ont gardé leur foi de siècle en siècle. «Nous n’avons pas attendu les croisades pour être chrétiens !» dit l’un d’eux. Ils sont aujourd’hui une minorité, de plus en plus coincée. Ils osent élever la voix pour demander justice et un vrai chemin vers la paix.

Job an Irien d'ar 21 a viz eost / le 21août.