Laz-kana Penn ar Bed e Trelevenez

Laz-kana Penn ar Bed e Trelevenez, abadenn evid renevezi gwer-livet an iliz hag en enor da Job d’ar 24 a viz mae da 8e30 noz.

Concert de l’ensemble choral du Bout du monde à Tréflévénez, en soutien au projet de nouveaux vitraux pour l’église et en l’honneur de Job an Irien, samedi 24 mai à 20 h 30.

HENT AR GROAZ

Setu amañ, e brezoneg hag e galleg, stag Hent ar Groaz savet gand Job e 2001 evid Eskopti Kemper ha Leon o pelerina e Lourdes, ha bet implijet abaoe meur ha meur a wech gand an Eskopti ha gand ar Minihi.
E fin pep stasion e vez lavaret an teir bedenn Hon Tad, Me ho salud Mari ha Gloaz da Zoue, hag e vez kanet eul lodenn verr euz eur c'hantig bennag.
Bez e c'hellit implij anezañ d'ar wener santel, med a-hed ar bloaz ivez.
Ne vo netra er Minihi e-pad ar zizun santel.
Overenn nozvez Fask a vo disadorn e iliz Trelevenez da 7e noz. Lavarit tro dro deoc'h !

1) Jezuz barnet d'ar maro
Jezuz, hag e-noa tremenet en eur Ober vad, a zo barnet d'ar maro. Re a dud e-noa direnket en eur rei o flas d'ar re vian hag en eur zarempredi ar beherien. N'eo ket pennou-braz ar juzevien, na Poñs-Pilat hepkén o-deus e gondaonet. Bep tro ma vez barnet d'ar maro eun den digabluz, bep tro ma varv eur bugel gand an naon eo or bed a-hirio a gendalc'h da gondaoni Jezuz d'ar maro.

- Ouz ar vugale lamet diganto o buez dre ziouer a voued, a louzeier pe a garantez, Aotrou Doue ho pet truez.
- Ouz an dud inosant, taolet er prizon ablamour d'o menoziou pe d'o stourm evid ar frankiz, Aotrou Doue ho pet truez.
- Ouz an oll re a vez barnet d'ar maro, pe 'vefent kabluz pe ne vefent ket, Aotrou Doue ho pet truez.

2) Jezuz a zamm e groaz
Sin ar vez eo a zoug war e skoaz gouliet. Mab Doue a dremen dre ruiou striz Jeruzalem en eur zougen war e skoaz pouez ar gasoni, hag an dud a zell, ha lod a ra goap. Piou eo Doue evid kared an dud daoust da-ze ? Piou eo Jezuz pa ne deu rebech ebed euz e c'henou ? "Or pehejou eo a zouge war e skoaz".

- Ouz ar re a zoug eur groaz ponner ablamour d'eun ampech pe d'eur c'hlefived, Aotrou Doue ho pet truez.
- Ouz ar re a zoug eur groaz ponner ablamour d'an dismegafis pe d'ar gasoni, Aotrou Doue ho pet truez.
- Ouz ar re a zoug kroaz ponner eun disparti, Aotrou Doue ho pet truez.

3) Jezuz a gouez dindan e groaz.
"Peg ouz an douar eo va ene" a lavar ar zalrn. Kaset eo Jezuz da nebeutoc'h ha netra: kouezet eo d'an douar dindan pouez ar zamm. En e blas, piou ne vefe ket kouezet ? Eun heug eo evitafi gweled e garantez ken nahet... hag e ziskibien, pelec'h emaint ? Sempladurez Mab Doue! Or sempladureziou deom-ni, penaoz o digemer ?

- Ouz ar re a zo flastret gand sellou ar re all, Aotrou Doue ho pet truez.
- Ouz ar re a gouez ablamour d'eun tech fall, ha ne gavont dorn ebed d'o zikour, Aotrou Doue ho pet truez.
- Ouz ar re a goll kalon ablamour da ziêzamafichou o buez, Aotrou Doue ho pet truez.

4) Jezuz a 'n em gav gand e vamm Zantel
"Da galon dit a vo treuzet gand eur c'hleze!"
Paour-kêz Mamm! Ne c' hell netra, nemed beza aze. Paour-kêz Mab! E peseurt stad ema! Glahar ar Vamm a lavar deom eun dra bennag euz glahar an Tad. Beza aze: ne c' hell ket ouspenn.

- Ouz ar mammou a wel o bugale o c'houzafiv en o c'horv, heb gelloud o zikour, Aotrou Doue, Ho pet truez
- Ouz ar mammou a wel o bugale o koll kalon ablamour d'an dilabour, Aotrou Doue ho pet truez.
- Ouz ar mammou a wel o bugale dismegafiset, Aotrou Doue ho pet truez.

5) Simon a Ziren a zikour Jezuz da zougen e groaz.
Eun tremeniad, eun divroad eo a zikour Jezuz da zougen e groaz. Ne oa ket Simon o c'hortoz eun dra bennag evel-se : sikour Mab Doue war hent ar C 'halvar. N'om nemed tud, med pa zantom poan egile e ouezom e c' hellom kemer lod euz e boan.

- Ouz ar re a zo ken karget o buez ganto o-unan ma n'o-deus morse amzer evid ar re all, Aotrou Doue ho pet truez.
- Ouz ar re a boagn wardro ar re glañv, ma ouezint kaoud ar jestrou hag ar c'homzou, Aotrou Doue ho pet truez.
- Ouzom oll pa nahom sikour or breudeur gand aon da veza direfiket, Aotrou Doue ho pet truez.

6) Veronik a zec'h e vizaj da Jezuz
N 'eo ket 'vel m'eo c'hoarvezet gand Simon. Deuet eo Veronik euz outi he-unan, a-douez an dud, skoet m'eo bet gand an druez. He c'harantez n' he-deus aon rag netra ha gand eul lienenn, e sec' h ar gwad war fas Jezuz.
Gwelet he-deus ho tremm, Salver Jezuz, hag ho tremm 'deus lezet he skeud. Ho tremm, Salver Jezuz, eo hini an den klafiv en ospital, hini ar vugale du gand an naon, hini re goz dilezet. Ho fas hirio 'zo tro-dro deom, ma fell deom selled,
"En noaz edon hag ho-peus va gwisket ; klaüv e oan hag oc'h deuet d' am gweled ; er prizon hag ez oc'h deuet beteg ennon" (Mz 25, 36).

- Ouz ar re a zo rouvennet o dremm gand an daelou, Aotrou Doue ho pet truez.
- Ouz ar re a zo bourreviet ablamour d'o menoziou pe d'o feiz, Aotrou Doue ho pet truez.
- Ouz ar re a goll o fenn ablamour da re vraz poaniou, Aotrou Doue ho pet truez.

7) Jezuz a gouez evid an eil gwech
Tenn eo an hent, hag e oll nerz a ya digantafi. Koueza a ra dindan pouez ar boan hag an droug "Evel eur zamm ponner e pouez warnafi" oll behejou ar bed. Flastret eo, ha dihalloud. Beteg an netra eo kaset Mab Doue, eñ an den didamall, taolet d'an traoñ.

- Ouz ar re a gouez hag a gouez adarre, Aotrou Doue ho pet truez.
- Ouz ar re ne gavont dorn ebed d 'o zevel endro, Aotrou Doue ho pet truez
- Ouzom-ni oll, bep tro ma kouezom, Aotrou Doue ho pet truez.

8) Merhed Jeruzalem o leñva war Jezuz
Glaharet braz eo merhed Jeruzalem o weled e peseurt stad ema Jezuz, ha n' hellont ket moustra war o daelou. Peseurt maouez a c' hellfe! Jezuz koulskoude a oar ne c'hellont netra evitañ bremañ: "ouelit kentoc'h warnoc'h hoc' h unan ha war ho pugale". Ne fell ket deoc'h Jezuz e chomfem da leñva war on amzer dremenet: n'hellom ket c' heñch on amzer dremenet, mez bez' e c' hellom kalz war on amzer da zond.

- Ouzom oll pa jomom beuzet er c'hlahar, Aotrou Doue ho pet truez.
- Ouzom hag ouz an oll re a jom dizeblant dirag gwalleur ar re all, Aotrou Doue ho pet truez.

9) Jezuz a gouez evid an trede gwech
Pladet eo, ne zavo ket alese... Teir gwech eo kouezet, 'vel m'eo bet nahet teir gwech gand Per. En em gavet eo e penn-diweza e nerz, ne c' hell ket kén. Beteg ar C'halvar e yelo koulskoude.
Hirio, Jezuz, e valeit ganeom bemdez. Or sikourit da genderhel da vale er mareou a zempladurez, ha da lakaad ennoc'h or fiziañs pa 'z om digalonekeet pe en dizesper.

- Ouzom oll pa gollom kalon ganeom on-unan pe gand or breudeur, Aotrou Doue ho pet truez
- Ouz ar re a gouez en dizesper, Aotrou Doue ho pet truez
- Ouz ar re a zo taget gand eur barrad kleñved nervennou, Aotrou Doue ho pet truez.

10) Jezuz tennet e zillad digantañ
Tennet eo pep tra digantañ, beteg e zillad. N 'eo nemed eur paour-kéz korv noaz, gouliet "disprijet ha dilezet gand an oll, den a boan... heñvel ouz eun den lor a zistroer dioutañ" (Iz. 53, 3) Noaz-rann eo dirag sellou an oll: "en em ziwisket e-neus, o kemer ar stad a zervicher, en em izelleet e-neus, o veza sentuz beteg ar maro". (Fil. 2, 7-8)

- Ouz ar re a verz o c'horv evid beva, Aotrou Doue ho pet truez
- Ouz ar re a zo gwallet, Aotrou Doue ho pet truez
- Ouz ar re a vez disprijet ablamour d'o c horv, Aotrou Doue ho pet truez.

11) Jezuz staget ouz ar groaz
Astennet 'neus e zaouarn hag e dreid war ar groaz. Ar vourrevien a ra o labour: sevel Mab an Den 'vel eur spontaill dirag sellou an oll. "Tad, pardon dezo, rag n'ouzont ket petra emaint oc'h ober" (Lk 23, 34)
Abaoe Kain e kendalc'h an den da wallgas e vreur, med euz genou Jezuz ne deu nemed komzou a bardon.

- Ouz ar milionou a dud bet lazet er c'hantved diweza ablamour d'o ouenn, d'o liou, d'o menoziou pe d'o relijion, Aotrou Doue ho pet truez.
- Ouz an oll re lazet hirio c'hoaz en Douar Santel, Aotrou Doue ho pet truez
- Ouzom-ni oll pa ne welom ket ken ho skeudenn en or breudeur, Aotrou Doue ho pet truez.

12) Jezuz a varv war ar groaz
"Va Doue, va Doue! Perag beza va dilezet" (Mz 27, 46). Diskennet eo beteg an donna. Den ne ranko diskenn izelloc'h. Gand oll nerz e fiziañs e lavar "Tad, etre da zaouarn e lakan va ene" (Lk 23, 46). Roet eo pep tra. "O c'hared a reas beteg penn pella ar garantez". Greet eo... beteg penn.
Salver ar bed, marvet oc' h 'vel m'ho-peus bevet, gand ho kalon tostig-tost ouz an Tad ha digor da bep hini. Diskouezet ho-peus deom penaoz beva eur vuez leun.

- Ouzom-ni ma tenerraio or c' halon e-keñver ar re a ra poan deom, Aotrou Doue ho pet truez.
- Ouz ar re a varv o-unan-penn, heb den en o c'hichenn, Aotrou Doue ho pet truez.
- Ouz ar re a zo sanket en dizesper, Aotrou Doue ho pet truez.

13) Jezuz a zo diskennet euz ar groaz
Tehet eo kuit an dud. Ne jom nemed eun nebeud mignoned. Diskennet eo Jezuz euz ar groaz ha lakeet etre daouarn e vamm. Beuzet eo en he glahar. Ar Mab nemetañ, marvet evidom, a ro deom oll, rag or mamm eo deuet da veza e traoñ ar groaz.

- Ouz ar mammou a wel mervel unan euz o bugale, Aotrou Doue ho pet truez.
- Ouz ar re a goll peb esperañs pa varv unan euz o re, Aotrou Doue ho pet truez
- Ouzom oll da vare or maro, Aotrou Doue ho pet truez.

14) Jezuz a zo lakeet er bez
An abardaez eo. Echu eo an devez hir a boaniou kriz: eet eo Jezuz war-zu e Dad, o sacha ahanom oll ouz e heul. Displegadennou an Aviel a horjell etre an Trec'h dija aze ha yenienn ar maro a c'heller gweled. Mignoned a zo aze da liena ar c'horv ha d'e astenn er bez. Da weled, n'eus nemed teñvalijenn, med e gwirionez eo eñ 'vel eur gellidenn lakeet en douar: d'an trede deiz ec'h adsavo!

- Ouz ar re n'o-deus esperañs ebed, Aotrou Doue ho pet truez.
- Ouz ar re 'zo skuiz o veva hag a zo touellet gand ar maro, Aotrou Doue ho pet truez.
- Ouzom oll ma welim, gand Jezuz, en tu all d'ar maro, ha ma ouezim gantañ rei or buez, Aotrou Doue ho pet truez.

E galleg

Je vous transmets ci-joint, en breton et en français, le Chemin de Croix fait par Job en 2001 pour le Diocèse de Quimper et Léon à l'occasion du pèlerinage diocésain à Lourdes, et utilisé très souvent depuis par le Diocèse, ainsi que par le Minihi.
A la fin de chaque station, on fait les trois prières Notre Père, Je vous salue Maire et Gloire à Dieu, et on chante un refrain au choix.
Vous pouvez l'utiliser pour le vendredi saint, mais tout au long de l'année aussi, bien sûr.
Il n'y aura pas de prières organisées au Minihi sur la semaine sainte. 
La Veillée de Pâques a lieu à l'église de Tréflévénez à 19 heures. Dites-le autour de vous !

Galv ispisial da zonezonou labouriou 2025

Galv da rei eun donezon evid labouriou kempenn ar Minihi, lodenn ar gevredigez :
Goude kalz a breder, om en en gleved war ar zavaduriou gouestlet d’ar Minihi hag on-eus savet ar raktres labouriou. Kroget on-oa gand or galv d’an donezonou e miz kerzu 2024. Kenderhel a reom da houlenn sikour arhant digand an dud a youl-vad, rag fiziañs braz on-eus da zond a-benn d’en em denna. Paeet e vo gand ar Minihi, gand ma vo ar feurm digoust war 10 vloaz. Sellit ouz ar follenn all amañ, o tisplega kement-se.

Appel à dons pour travaux de restauration de la partie associative du Minihi :
Après des réflexions approfondies, nous nous sommes mis d’accord sur un périmètre de bâtiments affectés exclusivement au Minihi à Tréflévénez et sur un programme de travaux. Nous avions lancé un appel à dons pour travaux en décembre 2024. Nous continuons à solliciter l’aide financière de donateurs en 2025, car nous sommes confiants, nous pensons arriver à faire le projet. Les travaux seront payés par le Minihi en contre-partie d’un loyer gratuit sur 10 ans. Voir la feuille ci-jointe.

Eet eo an Tad Job an Irien

Eet eo an Tad Job an Irien d’an Anaon d’an 2 a viz c’hwevrer, e-giz eur zervicher greet gantañ e labour. Eur c’holl braz eo evidom kristenien ha kalz re all, kar d’or brezoneg ha d’or bro. Rag Job ’zo bet tost d’an dud, o rei eur zell don war ar vuhez amañ e Breiz Izel hag en on eskopti. D’an 19 a viz here 2024, e fin an overenn e iliz Trelevenez, e lavare eur ger a bouez-braz : "mard’eo bet posubl an traou, eo peogwir ez eus bet karantez kenetrezom". Pa zeller ouz e vuhez, e c’heller muzulia donder ar gomz-se. Kavet e-neus gwriziennou don en e famill ledan, beteg kleved ha santoud drezi herez e hendadou, o spered, o feiz, liammet start gand an natur war an tiegez, ha gand an dud e parrez Bodiliz. Lakeet e-neus an dra-ze da dalvezoud a-hed e vuhez, gand geriou a dregerne e kalon an dud. Jezuz hag ar bedenn a oa e nerz, hag atao e neus dalhet d’e hent, simpl hag êz da gompren d’an dud, daoust dezañ kaoud gouiziegez vraz war istor e vro, ar zent koz, ha doareou ar bed a hirio. Gand skrivanierien ha muzikanerien vraz e-neus kenlabouret. Da bell vro e-neus heñchet an dud da belerina, heb lezel a-gostez gwenojennou Breiz war roudou ar zent. Atao eo chomet tost d’an dud ordinal, o kemer perz er barrez, o kas ar gomunion d’ar re glañv… Dre e leoriou hag ar pennadou-kaoz enrollet, e lez ganeom eun danvez a dalvoudegez vraz da genderhel gand on hent. Bennoz dit, Job, ha kenavo d’ar baradoz !

Le Père Job an Irien nous a quittés

Le Père Job an Irien est décédé le 2 février, comme un serviteur qui a accompli son travail. C’est une grande perte pour nous, chrétiens ou non, aimant notre langue bretonne et notre pays. Car Job était proche des gens, leur apportant un regard profond sur la vie d’aujourd’hui en Basse Bretagne et dans notre évêché. Le 19 octobre 2024, à la fin de la messe à l’église de Tréflévénez, il prononçait une phrase très importante : "Si tout ceci a été possible, c’est parce qu’il y a eu de l’amour entre nous". Quand on regarde sa vie, on peut mesurer toute la portée de cette parole. Il a trouvé des racines profondes dans sa famille élargie, jusqu’à entendre et sentir l’héritage de ses ancêtres, leur esprit, leur foi, très liés à la nature sur la ferme et aux gens dans la paroisse de Bodilis. Il a mis cela en valeur durant toute sa vie, avec des mots qui résonnaient dans le cœur des gens. Jésus et la prière étaient sa force, et il a toujours tenu cette voie, simple et facile à comprendre pour les gens, bien qu’il ait eu une grande connaissance de l’histoire de son pays, des vieux saints, et du monde d’aujourd’hui. Il a collaboré avec de grands écrivains et musiciens. Il a conduit les gens dans des pèlerinages lointains, sans délaisser les sentiers bretons sur les traces des saints. Il est toujours resté proche des gens ordinaires, prenant part à la vie paroissiale, portant la communion aux malades… Par ses livres et ses enregistrements sonores, il nous laisse une matière riche pour continuer notre chemin.Merci Job, et au revoir, au paradis !

Annaig Le Coz

Aet eo d’an anaon Tad Job

Au revoir ! Père Job !
« Aet eo d’an anaon Tad Job … » Oui, il est parti, le Père Job …

 Une de ces rares personnes dont la rencontre marque toute une vie.
Une de ces très rares personnes dont, en dehors de la famille,
on sollicite tous les jours, l’avis et, désormais, l’intercession.
Joseph Urien avait mon âge et nous plaisantions parfois, entre nous, des nombreuses similitudes de souvenirs accumulées au fil des ans. « Job an Irien » était le surnom que ses condisciples lui avaient attribué au grand séminaire de Pont-Croix en raison de son militantisme ombrageux concernant la langue de leur enfance que, déjà, beaucoup abandonnaient. « Irienn », c’est le « complot », la « conspiration » … rien à voir pourtant avec un personnage d’une limpidité aussi totalement transparente.

Pour le décrire, après un quart de siècle de fréquentation soutenue et d’amitié grandissante, il me suffira de dire qu’il était, à mes yeux, l’archétype du moine ermite breton de notre époque fondatrice : nous-autres, au Minihi Levenez qu’il avait fondé en 1983, nous étions «ar Ploujob », «le peuple de Job ».
Plutôt que de raconter sa vie, j’aimerais tenter de faire comprendre le secret de ce rayonnement.
Un secret tout simple : demeuré fidèle à la foi de son enfance et à la langue reçue de ses parents, il était, de ce fait, en totale résonance avec ce quelque chose que nous, Bretons, avons tous au plus profond de nous sans, le plus souvent, nous en rendre compte.
Du coup, il était celui dont la parole était immédiatement reconnue comme celle que l’on attendait sans forcément le savoir.
Il était celui qui nous faisait sentir à quel point nous sommes « unique » ; et j’aime ne pas mettre la marque du pluriel à cet « unique » car il s’agit là, justement, de cette caractéristique des langues celtes qui soulignent ainsi combien notre personne ne ressemble à aucune autre et, par-là, conserve, toujours et partout, une valeur irremplaçable.
Tel était son secret qui n’en était pas un. Il s’en était parfaitement expliqué avec sa cantate « Ar marc’h dall » (« Le cheval aveugle ») par laquelle il répondait à la polémique opposant « Le cheval d’orgueil » de Per-Jakez Hélias au « Cheval couché » de Xavier Grall : Ô, Bretons ! si vous saviez ouvrir les yeux ! si vous saviez à quel point chacun de vous est unique ! est aimé ! Le drame de notre pauvre et chère Bretagne est d’être aveugle ; on lui a tellement dit qu’elle était moins que rien, qu’elle a fini par le croire et par tenter de se faire « plus parisienne que les parisiennes » …

« Aet eo d’an anaon ho Tad Job ker … » ; que va-t-il rester de son œuvre ? La Providence lui a accordé de partir le jour où l’Eglise fait mémoire de la Présentation de Jésus au Temple ; le jour où l’on chante le cantique de Siméon : « Bremañ, ô Mestr, e c’hellez lezel da zervicher da dremen e peoc’h (..) rag gwelet o-deus va daoulagad da zilvidigez … » (« Maintenant, ô Maître, vous pouvez laisser votre serviteur aller en paix car ses yeux ont vu le salut … »). 
Et, justement, quelques semaines plus tôt, il pouvait bénir l’entrée au Minihi Levenez, du jeune ménage bretonnant qui s’est donné pour mission particulière d’y poursuivre l’accueil des enfants ; Kentigwern et Myrzinn Jaouen ont été catéchisés par lui et il a béni leur mariage … « Il faut que le grain meure … »

Yves de Boisanger

Santigou Buhez Yann Gallo - 2025

Santigou Buhez Yann Gallo - Vie de Jean Collé, dates des représentations

Digas a ran kelou euz kamp Santigou miz c'hwevrer.

Voici les informations pour le camp Santigou de février : voir affiche ci-jointe. Il a lieu du 10 au 15 février.
Les deux représentations publiques ont lieu :
- à Saint Pol, amphithéâtre du Kreisker, vendredi 14 à 20 heures,
- à Lesneven, à l'Atelier, samedi 15 à 15 h.
Le texte est de Goulc'han Kervella.
Nous sommes encouragés à y aller pour plusieurs raisons :
- la profondeur spirituelle de la pièce et le témoignage donné au final par les jeunes : c'est le fruit d'un grand temps fort de vie chrétienne de groupe qui transparait,
- la qualité de la prestation : les jeunes s'approprient le texte et le jouent à merveille (c'est ce qu'ils ont montré les années passées),
- le témoignage de vie de Jean Collé : très actuel.
Sulvez vad d'an oll !
Annaig

Overenn interamant an Tad Job an Irien

Overenn interamant an Tad Job an Irien a zo bet lidet d’ar 5 a viz c’hwevrer e iliz Sant-Houardon e Landerne. Meur a gant den a zo deuet di. Muioc’h a vrezoneg eged a halleg a zo bet. Lidet eo bet gand an Tad Hervé Queinnec, hag ar brezegenn a zo bet roet gand an Tad Kaou Sanson. Allah’s Kanañ, deuet endro a-gevred evid an deiz, e-neus kanet brao. Araog kregi gand al liderez eo lennet gand ar vikel-vraz Sebastien Guiziou ar ger savet gand an Aotrou’n Eskob Laurent Dognin, Eskob Kemper, hag hini an Aotrou’n Eskob Gerard Le Stang, Eskob Amiens. Ar pennadou-se a c’hell beza kavet war lec’hienn an Eskopti (actualités, recois-le-dans-ton-royaume).

Les obsèques du Père Job an Irien ont été célébrées le 5 février dernier à l’église Saint-Houardon à Landerneau. Plusieurs centaines de personnes y ont assisté. La cérémonie, bilingue avec breton majoritaire, était présidée par le Père Hervé Queinnec et l’homélie était assurée par le Père Kaou Sanson. La chorale Allah’s Kanañ, reconstituée pour l’occasion, a fait résonner ses belles voix. En introduction, le vicaire général, Sébastien Guiziou, a lu le message de Mgr Laurent Dognin, évêque de Quimper et Léon, ainsi que celui de Mgr Gérard Le Stang, évêque d’Amiens. Ces textes sont publiées sur le site du Diocèse (actualités, recois-le-dans-ton-royaume).

 Liamm war  ar video         ("Pep aotre a zo d'ar famill. Tous les droits sont réservés à la famille".)

video-1,    video-2,    video-3,    video-4,   video-5,   video-6

Job a zo eet da anaon // Job a été rappelé à Dieu

Kemenn a reom deoc’h eo eet da anaon dec'h, 2 a viz c'hwevrer, deiz gouel Jezuz kinniget d'an Templ,
an Tad Job an Irien, savet gantañ Minihi Levenez.

Lidet e vo an interamant dimerher 5 a viz c’hwevrer da 2 eur 30 e iliz sant Houardon e Landerne,
ha da heul e vo lakeet er bez e Trelevenez.

Pedet oc’h da gemer perz.

Job a zo eet da gaoud e Dad euz an Neñv, hervez e esperañs, pedom evitañ.

≈≈≈

Nous vous faisons part du décès hier, jour de la fête de la Présentation de Jésus au Temple,
du Père Job an Irien, fondateur de Minihi Levenez.

Ses obsèques seront célébrées mercredi 5 février à 14 h 30 à l’église Saint Houardon à Landerneau,
suivies de l’inhumation à Tréflévénez.

Nous vous invitons à y assister.

Job a rejoint son Père des Cieux, comme il l'espérait, prions pour lui.

Ar Minihi

Article Ouest France

Bloavez mad 2025 !

Laouen e-kreiz an noz e kan eur steredenn,
Digor braz eo an hent da ziambroug an Deiz.
Ra vezo mad or bloaz, hag an henchou nevez
D'or c'has, roue pe bastor, da Vestr al levenez.

Joyeuse en notre nuit une étoile a chanté,
Voici la route ouverte au rendez-vous du Jour.
Que notre année soit bonne et nouveaux les chemins
Où vont, rois et bergers, au Maître de la joie.

Bloavez mad 2025 d'an oll, a-berz Minihi Levenez !
Bonne année 2025 à tous, de la part de Minihi Levenez !

La lettre du Père Yacoub

Salud deoc'h hag a zo bet en Douar Santel gand ar Minihi,
Bonsoir à vous qui êtes allés en Terre Sainte avec le Minihi,

Voici le lien vers la lettre du Père Yacoub reçue par l'intermédiaire de Raymond, merci à lui !