Ral eo deom kaoud da ober cheñchamañchou braz en or buez ! Peurliesa, euz an eil devez d’egile, eo traou bian on-eus da ober, traou ha ne vagont ket kalz al lorc’h peogwir int traou ordinal... ha koulskoude abaoe eur bloaz hanter on-eus desket e c’helle traou bian-bian rei frouez a vuez pe a varo. Doare ober pep hini ’neus eun efed war buez ar re all, eun efed war an êrgelc’h hag eun efed war an endro. Bep tro m’en em lavaran kement-se e teu war va spered kalz skeudennou, ha da genta hini an hadenn a vez taolet en douar.
   Eun hadenn, n’eo netra koulz lavared, eur c’hreunenn vihan vihan a-wechou. Eun deiz, da fin an hañv, e vedom bet kaset, va breur bihan ha me, da gutuill klos lann-bin en eur waremm hag er warimeier all tro-dro’lec’h ma save eun nebeud plant a seurt-se e-touez traou all. On tad a felle dezañ ober eun taol-esa : hada lann-bin er warimig e-kichenn. Eur zaill bihan oa aet ganeom da zastum ar c’hlosou. Dipitet awalc’h ’vedom bet, rag kaer on-noa bet furchal e peb lec’h, n’or-boa kavet nemed eun hanter sailladig. ’N’eur ziglosa anezo, om chomet souezet mik : bihan-bihan oa ar greun. N’or-boa ket zokén eun hanter gwerennad had. Hag en em c’houlennem penaoz e c’helle greun ken bihan rei ar plant braz gand kalz skourrou on-noa-ni gwelet ? «Mister kaer ar vuez eo !» eme on tad, «Or c’harg deom-ni eo hada ha doura ma z-eo dleet, med n’eo ket ni a ro ar c ‘hresk !»
   An eil skeudenn a zeu din eo hini testamant sant Divi e fin e Vuez e kembraeg, pa gomz ouz e ziskibien ’n-eur lavared dezo kement-mañ : «Bezit laouen ! Dalhit d’ho feiz, ha grit an traou bihan-se ho-peus gwelet ahanon oc’h ober...» Evitañ e oa sklêr : e levenez a zeue euz an traouigou a netra a rae bemdez evid kalonekaad e vreudeur. Soursial a rae ouz ar re baourra, ar re vunuta hag e kemere amzer ganto ’n-eur zelaou anezo. Ne rae netra dispar, ha ne glaske morse hegasi den ebed. Er c’hontrol eo : rei a rae da weled ar pez a oa mad ha kaer e buez ar re all. E levenez a zeue euz an traouigou a netra-ze a ra ar vuez pemdezieg. Gouzoud a reom muioc’h-mui eo int-i a jeñch ar bed.
   Il est rare que nous ayons à opérer de grands changements dans nos vie ! La plupart du temps, d’un jour à l’autre, ce que nous avons à faire, ce sont des choses qui ne flattent pas beaucoup notre fierté, puisque ce sont des choses ordinaires... et pourtant depuis un an et demi nous avons appris que de toutes petites choses pouvaient donner des fruits de vie ou de mort. Le comportement de checun peut avoir un effet sur la vie des autres, un effet sur l’ambiance et un effet sur l’environnement. Chaque fois que je me redis cela, me viennent à l’esprit beaucoup d’images, et d’abord celle de la graine qu’on jette en terre.
   Une semence, ce n’est rien pour ainsi dire, une graine toute petite parfois. Un jour, à la fin de l’été, nous avions été envoyés, mon petit frère et moi, cueillir des cosses de grand ajonc dans une garenne et les garennes tout autour où poussaient quelques plants de ce genre parmi d’autres choses. Notre père voulait faire un essai : semer du grand ajonc dans la petite garenne d’à côté. Nous avions emporté un petit seau pour ramasser les cosses. Nous avions été bien déçus, car nous eumes beau fouiller partout, nous ne trouvames même pas la moitié d’un petit seau. En les écossant, nous fumes bien étonnés : les graines étaient minuscules. Nous n’avionx même pas un demi-verre de semences. Et nous nous demandions comment pouvaient des graines aussi petites donner les arbustes avec beaucoup de branches que nous avions vus ? «C’est le beau mystère de la vie», dit papa, «notre tâche c’est de semer et d’arroser s’il le faut, mais ce n’est pas nous qui donnons la croissance !»
   La deuxième image qui me vient est celle du testament de saint Divy à la fin de sa vie galloise, lorsqu’il s’adresse à ses disciples et leur dit ceci : «Soyez joyeux ! Tenez à votre foi, et faites ces toutes petites choses que vous m’avez vu faire...» Pour lui, c’était clair : sa joie provenait de ces petits riens qu’il faisait chaque jour pour encourager ses frères. Il se souciait des plus pauvres, des plus petits et prenait le temps de les écouter. Il ne faisait rien d’exceptionnel, et ne cherchait jamais à agacer qui que ce soit. Au contraire : il mettait en vue ce qui était bon et beau dans la vie des autres. Sa joie provenait de ces petits riens qui font la vie quotidienne. Nous savons de plus en plus que ce sont eux qui changent le monde !

 Job an Irien d'ar 26 a viz even / le 26 juin.